ഇടുക്കി ജില്ലയിൽ ദേവികുളം താലൂക്കിൽ അടിമാലിക്കടുത്തുള്ള കൂമ്പൻപാറയിൽ സ്ഥിതിചെയ്യുന്ന വിദ്യാലയമാണ് ഫാത്തിമ മാതാ ഗേൾസ് ഹയർ സെക്കണ്ടറി സ്കൂൾ. അടിമാലിയിൽ നിന്ന് 3 കിലോമീറ്റർ അകലെ കൂമ്പൻപാറ ഗ്രാമത്തിലാണ് ഈ വിദ്യാലയം സ്ഥിതിചെയ്യുന്നത്. 1961 ലാണ് ഈ വിദ്യാലയം പ്രവർത്തനമാരംഭിച്ചത്. നേഴ്സറി മുതൽ +2 വരെയുള്ള തരത്തിലെ വിദ്യാർത്ഥികൾ ഇവിടെ പഠിക്കുന്നു. സി. എം. സി കാർമൽഗിരി കോർപ്പറേറ്റ് എഡ്യൂക്കേഷണൽ ഏജൻസി ഓഫ് കാർമൽഗിരി പ്രൊവിൻസ് ഇടുക്കിയുടെ കീഴിലാണ് ഇത് പ്രവർത്തിക്കുന്നത്.